話說
人人都講26.27歲都已經係中女,我都就快25歲,即係我都就快係中女
18,19歲,唔怕無人追,唔化妝出街都唔驚。我仲可以大大聲話點解要化妝?
今年24歲,大大聲問,邊隻好用呀?邊隻keep得耐D呀?淆底啦!
只係差5-6年,點解咁大分別ga....??
但完全無呢種中女心境,
由細到大都覺得女人30都可以好正,
不過30歲都好正嘅女人無乜邊幾個,
無咩女人可以遲熟到30幾歲突然好正,
反思自己若唔講外表,內在嘅心志我都追唔上24,
我唔敢諗結婚,唔敢諗發展,很怯懦
更惶論買樓生仔。所以我扮作輕鬆自在。
間中大言不慚,口好很臭,實則外強中乾,偷生度日。
剎那間,想起小學時代玩line,電腦還未普及,
是用電話識朋友的年代,最著名的是173173173,
識玩的我知有些line是女會員免費,
小孩子的我跟那時的小學同學打上去那個系統
播出隨機的男會員自我介紹,
我們又突然想听老邁的,便選五十歲的群組,
然後第一個五十歲的男會員,
拖著二十隻老牛說:
[我叫terry,今年五十三歲,雖然我五十三,但我人老心不老。]
當時12歲的我們,53歲的人是生得我地有餘的一輩
呢句話被當年的我倆強力恥笑。
真的是男人的溫柔,媽的豆腐火腩飯究極版。
人老心不老,其實行不難,只要有點不面對現實,
不踏實做人,逃避該做的事,就成事了。
現在回想當年12歲的自己,真的不是味兒。