2013年6月20日 星期四

你最喜歡的band是什麼?



即使以為一整年習以為常去loop beatles的音樂,
以為自己喜歡john,喜歡那首 fool on the hill,
因為In spite of all the danger 做開頭而感動。

但有一天不小心開了Nirvana的圖,
不小心又聽了幾支歌仔,
Oh yeah,發現了Nirvana陪自己的年齡,那段回憶不由自主地浮現了。

沒有什麼“你最喜歡的band是什麼?"
只有現在你喜歡的,年青時喜歡的,
最有影響的,etc....

相信問人問喜歡的band...很多人都答不出。
總會想到一個答了之後,
再想到另一個”其實我都很喜歡的另一隊band...“

大家都是平凡的人,
喜歡的東西總是很多。

2013年5月5日 星期日

Photoshop三分鐘扮森系夢幻系





自己的頭像都是自拍多。個人又老土,唔用app,7-8千買casio又impossible。
最多只識就角度識用photoshop

____________________________________________________________

三分鐘扮森系夢幻系。Photoshop開2層layer


Layer1係自已張相 (相最好顏色執過)


Layer2 一定要透明底,加多用漸化blush隨意畫上幾點透明色




_____________________________________________________________


(透明感記得係opacity/flow呢到較)





就係咁簡單!
______________________________________________________________

2013年4月29日 星期一

綾波麗與我



      2013年的5月,說起eva 新世紀福音戰士的Q上映 , 回想起我一段青蔥歲月發生的往事。
有個動漫迷(一般高登仔叫佢呢type做毒x)朋友好鐘意eva,情迷綾波麗,當時認識佢原故是大家都上photoshop同ai堂。重點是住得近,人又內向又檢點,有次下堂後上佢屋企,家設簡潔,最著眼就得一幢玻璃櫃,全部都係動漫figure,有幾層放左綾波麗,明日香,之後都係....綾波麗綾波麗綾波麗。。。仲有一個叫咩涼官既女仔,好啦。綾波麗既肉體都係佢令我開眼界。當時show給我時大家都有d怕醜。
      我性格係好鐘意搵陪腳,但無女仔會陪我,因為佢同我喜好夠夾(毒?)佢生命中得呀媽外,就係三個朋友。但都係正常年青人,無不良嗜好。咁我又無拖拍,佢成個樣又乖仔又好人咁又住得近,當然係一流的陪腳之選。往後個一年都係咁,上佢屋企睇低能野好笑野,一齊玩高達game,(陪佢玩)當年我二十一歲左右,咁就笑一日,睇套片咁就一日。
       呢段時期維持左係一年有三個月多,放工上佢屋企玩,真正清純過蒸漏水咩都無做,兩少無猜咁。
        就係咁果時,十一月尾,前男友搵番我,我地又一齊番,又同佢拍番拖。而我又鐘意影相,影左個合照~~~
        有一日我又如常地無野做又去佢屋企,無講自己搵番前男友,當時有諗過講,但一想到講左佢應該會唔開心,所以我地又如常地玩。果晚就兩個人又玩photoshop...記得果時,又開番隻碟睇--福音戰士新劇場版:序。當時一路睇一路聽佢解說。所以認真想講呢套劇係需要再睇再睇的,因為拍得耐幾年一次真係唔記得劇情。到10點左右,離開佢屋企,番到自已屋企時我就發現漏左部相機0係佢屋企。(呢個咁老土既劇情係真係發生係我身上)咁果時我就話聽日,約0係旺角等食個飯加交收相機啦。
       到左第2日放工時間(記得果時係好熱既十二月)食完飯都夜晚8點但成程佢都怪怪的。那時天好藍。果時佢比部相機我,同我講,佢睇晒入面d野。我個背涼一涼。我感覺到我好似會失去呢位朋友。之後我同佢話別後各自回家時,SMS佢話自己有男朋友。佢問我係幾時既事,我話呢兩個星期。後來係寫左幾句野同我say goodbye...果時我無意會唔到佢會咁決絕,以為過多幾日搵番佢會無事。果時係佢facebook wall留言:please forgive me...佢facebook friend list只得我一個。
       後來佢都無搵過我,直頭消失左一樣。果時我先發現,呢一type男仔玩消失你係真係搵佢唔到。
       果時我唔開心,當然後期先知佢原來鐘意我,果時我真係好遲好鈍好賤格。
       但因為我好明白佢既習性,住係私樓既佢,經常流連樓下大型商場,有一日我一個人時同樣在此商場閒遊時,見到佢迎面而來,同3個毒撚fd邊行邊玩。佢仰高頭扮睇樓上,十分刻意。為免佢尷尬我又扮睇佢唔到。

就係咁,我個心都有呯呯緊張咁跳,我深信佢都係咁。

到今日同男朋友等,再講番eva既故事時,感覺好深,深到回到過去。回到當時既我地。

老老實實,當年我無當佢係兵,係真正既朋友,互相尊重,談笑同交流喜好。
幾年後諗番,當時佢對我不但只係朋友,我當時以為包容係呀妹果種,到今日先明白,還有一點點愛情。



﹣﹣﹣﹣﹣﹣﹣﹣﹣﹣﹣

過多幾日,我慢慢回想呢個男孩說話神態和表情,都好卡通又友善。我最記得佢鐘意紅色Mary Jane款鞋,當年都未興。我一直都以為佢喜歡小紅帽。因此原故當時我都購置了一對啡色MaryJane.當年買唔到紅色啦。
還有他曾經很黑仔,見過人於眼前跳樓。朋友都問,有無可惜無開始?   回憶有距離會更覺得美好 ,都話,係好朋友啦。

2013年3月10日 星期日

我說起那兩個字眼淚會流 (上)







一個人住在全是父母親兄的物品舊居中,

我獨愛暖和天氣的熱鬧,
要是沒有愛人朋友的陪伴。一時精神低落,
一個人的晚上,要是熱天,
夜裡聽到昆蟲小聲叫,幻想有生物陪著我,所以我不是孤單。
最好的事總發生在暖暖的風,那麼我會很好,沒有壞消息,很有安全感。


早前,天氣是那香港微冷的冬天,加上那半年家事,令我不敵寒冷很是抑, 鑽牛角尖,

我連繼間歇夜裡一個人崩潰,

關於愛,
長大後對愛的了解,第一次了解感情是
我在父母伴我成長的過程,
看到忠誠
想起父親外偶的事,
看到相處
想起父母的不和

一一投射到我內心後我總是有所恐懼。


然而父母親待我一直都付出無以替代的關愛,

想起父母親喔,
這個年頭你們得到愛嗎?

父母要是你們不是互相愛大家,只是被迫生活在一起。
你依然愛你的兒女,但要是我們不愛你,又有誰愛你。


我又幻想將來的父母相處是那個模樣時,總是令我很灰心。

好像母親的怨懟又弦猶在耳。



然後
腦裡轉眼投放了
是童年時夾在父母中間睡的溫暖,雖知那時家窮有時餓到醒了都不捨得吵醒他們的心情,
心很酸。






因此我的心情是無法單純的愛,如果成長過程不是一片和陸和順景

我不清楚作為子女的,有沒有想過這些問題,或深或淺都有。
像我,想起的很多,但還是沒有答案的。
這一刻清楚,長大後對雙親的反感,有時會令自己充滿窒息的自責。


就是每個父母對兒女態度都不一樣,

作為兒女,
對父母的心情是最深沉,最抑壓,閒時最自我忽略掉
一旦沒有好好收藏好在心深底,或擺脫掉。
他們都不自覺影響你的以後的決定,作為借鏡。

我們人人早晚都會失去父母,

沒有父母的愛的我們是可以怎樣支持?

我們人人都是父母的遺愛品。
所以好好愛自己,也是愛父母的表現。



一個人在途上

作曲:劉以達
填詞:周耀輝

塵埃在我後面蕩漾 蕩漾過後墜落地上
地上的黃土一樣 一樣的模樣
頭髮在我後面飛揚 飛揚也始終在糾纏
糾纏的總看不見 不見卻永遠不散
夕陽在我後面低沉 低沉的紅色染我身
我身後是我一生 一生的紅塵
當一切開始的時候身邊有你 不知道甚麼時候失去了你
當時我明明是緊緊的靠著你 忽然只剩下我自己
是否我走得太快 還是你走得太晚
當一切消失了以後我懷念你 當從頭開始的時候要拋棄你
是因為我害怕再一次見到你 徒然想起了我自己
想念不想念之間 一個人一個世界
我害怕想起我自己

2013年3月5日 星期二

用見底的 Rodial dragon's blood



首先係2012年頭d皮膚乾到飛起同包包面,
果時用Rodial,
貪佢:

  • lady gaga都用
  • 無點買廣告
  • 天然成份多d,少d敏感機會。



  1. 輪廓功效 ,瘦臉,護膚品係做到一半
  2. 用左成年, 用幾多都好,點都唔夠早睡,多飲水同做運動好。





過程係

由用佢 Rodial dragon's blood sculpting gel -HKD $850

後來一口氣買埋佢支day cream - SPF 15 dragon's blood hyaluronic moisturiser -HKD $520

hyaluronic Mask - HKD 500

爽膚水~~$280

好奇心係無窮無盡。


用既程序都係:


  • 早上洗完臉就爽膚水再day cream。
  • 夜晚 會搽爽膚水再sculpting gel,如果當日濕度低就加多個 hyaluronic mask黎用。

好,半年用左2支爽膚水 ,好似得100ml
最後sculpting gel用左4個月就用晒。

用得好快又貴...........



















由於覺得sculpting gel 用得太快又貴,就直接爽膚水後只用 hyaluronic mask...

最後   轉用左 土耳其玫瑰水 ,

 比較下rodial 爽膚水係保濕一D 效果好D,









但長遠用土耳其玫瑰水可以用耐D,面色都愈來愈好睇。我覺得土耳其玫瑰水好D,加上200ml有排用。會回購。













然後mask 就keep住用開,最後回購多一支 ,
好保濕 又細支,
輪襂透同輪廓功效 ,瘦臉效果都係gel最好,

rodial爽膚水>sculpting gel>mask = Perfect



Summary :


最後我覺得佢最好用既係佢支
day cream ﹣SPF 15 dragon's blood hyaluronic moisturiser -HKD $520 -50ml

我覺得佢早上用完佢真係精神好多,
又夠水潤同有少量SPF15防曬係岩岩好,
sofina 防曬水潤就爭少少啦,

其次係hyaluronic Mask-50ml 同爽膚水
反而皇牌Rodial dragon's blood sculpting gel -50ml係最有修補輪廓功效 ,保濕就唔夠,唔算好快有效果,但長用就真係有修補輪廓功效。

一年又過去,2013年都到左3個月,就快又轉會啦! :)又試新野 。


2012年11月22日 星期四

又買野A_A

Sogo感謝節

又買買買!!!


女人最愛之一......襪襪襪襪襪



1st <3
日牌piedo假絕對領域絲襪 ,原價$89再8折


2nd <3
正,好正既givenchy 襪桶,$199





Ngirl絕對領域襪 $89



Ngirl絕對領域襪示圖 <3
還有我最愛的紅色ihniu鞋。







2012年7月7日 星期六

iphone 實用配件



Woody Allen Iphone4/4s case 和tiltpod iphone stand
Tiltpod Iphone stand-$140 @Special Camera Service
Woody Allen Iphone Case @e-shopping